Sali Berisha nga protesta akuzoi kryeministrin Edi Rama se ka vjedhur votat që sot është në pushtet. Berisha tha se sot betohen se Ramës nuk do t’ia falin votën dhe as pushtetin e vjedhur.
Ndër të tjera, kryetari i PD-së i bën thirrje kryeministrit Rama të heqë dorë nga posti.
“Çdo qindarkë e këtyre parave është hajni. Po këto zotërote janë vetëm kafetë sepse ti me firmat e tua nuk i ke gjë dhjetëshet por firmos me qindra miliona. Së bashku me bashkëpunëtorët e tu keni përvetësuar deri më tani 120 milionë euro. Këtë vit doli se nga 60 milionë euro të dhëna për djegësit e Tiranës nuk është ndërtuar asgjë. Edi Rama u thuaj pak shqiptarëve si ka mundësi 7 kilometra të autostradës kanë kushtuar sa 10 kilometra tuneli i Kërrabës, kanë kushtuar 30 milionë euro kilometri. Ju varfëroheni gjithnjë e më shumë sepse pasurinë ua grabisin qeveritarët. Për të gjitha këto në emër të gjithë këtyre qytetarëve I bëj thirrje: Boll vodhe, ik, boll vodhe, ik!”, tha Berisha.
Discussion about this post