‘Bomba’ e gazetares: Është hakeruar Ministria e Drejtësisë

Gazetarja Anduena Llabani denoncoi në emisionin Now në Euronews Albania sulmin ndaj regjistrit të pronave në Ministrinë e Drejtësisë.

Llabani u shpreh se kjo ka qenë hera e parë që është hakeruar sistemi, një gjë për të cilën siç tha nuk është folur dhe nuk është mbajtur asnjë përgjegjësi.

“Është çuar një email në zyrën e një specialisti të kësaj ministrie që është hapur dhe virusi është hapur në të gjithë sistemin e Ministrisë së Drejtësisë dhe janë marrë të dhënat në të gjithë regjistrin e pronave. Fakti që janë marrë këto të dhëna tregon se kanë hyrë edhe më shumë në shtëpitë tona. Hakerat u lanë 14 muaj në sistem, kush mban përgjegjësi për këtë”? tha Llabani.