Harry Kane është një nga emrat më në zë të ditëve të fundit në merkato. Sulmuesi i Tottenham ishte bërë një opsion për sulmin e Real Madridit. Por, sipas lajmeve që vijnë nga Anglia, e ardhmja e Kane mund të jetë në Gjermani.
Real Madridi është plotësisht i fokusuar për të bërë goditjen e madhe në këtë merkato. Në fakt, një nga shqetësimet më të mëdha të klubit, pas largimeve të Asensio-s dhe Benzema-s, është forcimi i repartit sulmues të skuadrës, veçanërisht firma me ‘numër 9’ të denjë. Harry Kane ka hyrë plotësisht në këtë ekuacion, deri në atë pikë sa të jetë opsioni numër një i bordit të klubit për të ‘zëvendësuar’ Karimin.
Kështu, Real Madridi ka nisur të lëvizë dhe të intensifikojë kontaktet për Kane, por nuk do të jetë një operacion i lehtë. Përveç kësaj, në Angli, kanë siguruar se ka nisur konkurrenca e ashpër për të fituar shërbimet e sulmuesit anglez. Në këtë mënyrë, sipas The Athletic, Bayern Munich mund të bëjë një opsion i ri për Harry Kane. I njëjti medium pretendon se Real Madridi është tërhequr nga tratativa për sulmuesin e Tottenham.
Ndaj, sipas asaj që theksojnë nga Anglia, mbretërorët e kanë hedhur poshtë mundësinë për nënshkrimin e Kane. Mesa duket Real Madridi nuk do të kishte ndërmend të paguante më shumë se 100 milionë euro për sulmuesin, pasi kontrata e tij skadon në vitin 2024 dhe ai do të mbërrinte në Chamartín në moshën 30-vjeçare.
Do të shohim në ditët në vijim nëse ky informacion do të konfirmohet apo në të kundërtën, Florentino do të vazhdojë të përpiqet të mbyllë me sukses tratativën për anglezin.
Real Madridi është paralajmëruar tashmë se nuk është i vetmi klub i interesuar për Kane. Bayern Munich, në mungesë të një sulmuesi të një niveli top, pas largimit të Lewandowski, është i vendosur të bëjë shpenzime të çmendura për një lojtar që do të garantonte gola me shumicë.
Në Chamartín shpresojnë që Tottenham të vijë në vete dhe nga ana tjetër të mbizotërojë dëshira e lojtarit. Harry Kane nuk e fsheh dëshirën për të veshur fanellën e bardhë, fjala e tij mund të jetë kyçe në këtë operacion.
Discussion about this post