Merkato e Milanit ka filluar të marrë formë. Në pritje për të kuptuar nëse skuadra e Piolit do të jetë apo jo protagoniste në Champions League sezonin e ardhshëm dhe rinovimin e lakmuar të Leaos, drejtuesit e kuqezinjve po planifikojnë ndërhyrje të synuara në mesfushë dhe në sulm.
Nëse Kamada dhe Openda janë emra shumë intersantë, Milani konfirmohet se është më se i interesuar për të negociuar Frattesin me Sassuolo-n dhe ka edhe një emër surprizë: Edon Zhegrova, sulmues i Lille.
Milani duhet të bëjë një goditje të rëndësishme në mesfushë, në mënyrë, që të gjejë, më në fund zëvendësuesin e Kessie.
Këtë sezon Pioli nuk ka gjetur një alternativë të besueshme mes Tonalit, Krunicit dhe Bennacerit dhe dëmtimi – shumë i gjatë – i algjerianit ka ndryshuar prioritetet e tregut të transferimeve.
Dëshira e Maldinit dhe Massara, siç e kemi raportuar tashmë dhjetorin e kaluar, është që të veshin Davide Frattesin me kuqezinjtë (7 gola në 35 paraqitje në këtë kampionat për Sassuolo).
Konkurrenca është e madhe dhe e ashpër, dhe Sassuolo ka qenë gjithmonë një butik mjaft i shtrenjtë.
Milani po kërkon një profil të aftë për të balancuar fazën e mbrojtjes, por pa nënvlerësuar aftësinë sulmuese. Nëse është i ri, italian dhe me mundësi që të përmirësohet, si Frattesi, aq më mirë. Problemi është kostoja e hipotetizuar nga Sassuolo, e cila, kërkon nga 20-25 milionë euro.
Megjithatë, klubi kuqezi gjithashtu duhet të ndërhyjë urgjentisht në sulm dhe anësori i djathtë që i pëlqen drejtuesve luan në Lille, një klub me të cilin marrëdhëniet janë shumë intensive dhe shpesh fitimprurëse siç kanë treguar rastet Leao dhe Maignan.
Emri surprizë është Edon Zhegrova, kosovar, i lindur në Gjermani në vitin 1999, i cili tashmë ka qënë më parë pranë Milanit në vitin 2012 me të cilët pati një provë edhe pse më pas nuk mundi të transferohej në Itali për arsye burokratike.
Sulmues krahu mëngjërash, i aftë në situatat një kundër një, ai mund të përshtatet në mënyrë të përsosur me formacionin 4-2-3-1 që lartësoi Piolin në vitet e tij në Milano dhe preferon të marrë krahun nga e djathta për të shkuar drejt qendrës edhe pse mund të luajë edhe nga e majta, një “pronë” e padiskutueshme e Leaos, megjithatë.
Mbi të gjitha, ai duhet të rritet në lojën me skuadrën dhe në përqendrim taktik, por shkolla e Lille e ndihmoi atë të kthehej në rrugën e duhur jo vetëm të krijuar nga talenti. Lille e vlerëson atë në rreth 10 milionë për atë që do të ishte një tjetër bast në një rol delikat./Sportmediaset
Discussion about this post