Ish-kancelarja gjermane Angela Merkel ka folur për herë të parë për pushtimin rus të Ukrainës. Mësohet se Merkel i ndjek zhvillimet me shqetësimin dhe empati të madhe.
“Kjo luftë agresioni nga Rusia shënon një pikë kthese të gjerë në historinë e Evropës pas përfundimit të Luftës së Ftohtë. Nuk ka asnjë justifikim për këtë shkelje flagrante të ligjit ndërkombëtar, unë e dënoj atë në termat më të ashpër të mundshëm. Mendimet dhe solidariteti im janë me popullin ukrainas dhe qeverinë e udhëhequr nga presidenti Volodymyr Zelenskyy në këto orë dhe ditë të tmerrshme”, tha Merkel me kërkesë të Agjencisë Gjermane të Shtypit në Berlin.
Merkel përmendi shprehimisht se sulmi i ri i Rusisë “në integritetin territorial dhe sovranitetin e këtij shteti të pavarur” prek këtë herë të gjithë Ukrainën.
Në vitin 2014, Rusia pushtoi gadishullin ukrainas të Krimesë në Detin e Zi. Gjatë mandatit të saj në detyrë, Merkel vendosi të mbajë të hapur kanalet e komunikimit me Putinin.
Discussion about this post