Zyrtarët lokalë në qytetin e Mariupolit kanë thënë se të paktën 300 njerëz dihet se janë vrarë në bombardimin e 16 marsit në Teatrin e Dramës. Rreth 1,300 besohet se kanë qenë strehuar në ndërtesë dhe vetëm 150 të mbijetuar kanë dalë nga rrënojat menjëherë pas sulmit.
Burimet thanë se pjesa më e madhe e atyre që ishin në teatër ishin fshehur nga granatimet nën skenë dhe se rrënojat po bllokonin daljen e tyre.
Në një deklaratë të premten në mëngjes, një zëdhënës i këshillit të qytetit tha se ata ishin në gjendje të saktësonin një numër të ri të vdekjeve nga tragjedia.
Në deklaratë thuhej: “Fatkeqësisht, ne e fillojmë këtë ditë me lajme të këqija. Nga dëshmitarët okularë mësohet se rreth 300 persona kanë humbur jetën në Teatrin e Dramës së Mariupolit si pasojë e një bombardimi nga një avion rus. Deri në fund nuk dua të besoj në këtë tmerr. Deri në fund, dua të besoj se të gjithë arritën të shpëtojnë. Por fjalët e atyre që ndodheshin brenda objektit në momentin e këtij akti terrorist flasin ndryshe.
Discussion about this post