Pushimet janë kthyer në tragjedi për irakianët ditën e sotme. Bëhet me dije se, tetë turistë kanë vdekur dhe 23 të tjerë janë plagosur si pasojë e një sulmi turk në provincën veriore Dohuk në Irak. Bombardimet e ashpra kanë goditur një resort në Zakho, qytet në kufi mes rajonit të Kurdistanit në Irak dhe Turqisë, ka thënë televizioni shtetëror. Ndërsa bëhet me dije se në mesin e viktimave ka edhe fëmijë, duke përfshirë një njëvjeçar, të cilët të gjitha viktimat kanë vdekur pa arritur në spital.
Ministria turke e Mbrojtjes ka thënë se, dy militantë të Partisë së Punëtorëve të Kurdistanit (PKK) janë dorëzuar në pikën kufitare mes Turqisë dhe Irakut, e cila gjendet rreth 10 kilometra nga Zakho, por nuk ka përmendur sulmin.
Turqia kryen rregullisht sulme ajrore në veri të Irakut dhe ka dërguar komandot për të mbështetur ofensivën e saj, në kuadër të fushatës afatgjatë në Irak dhe Siri kundër militantëve të PKK-së kurde dhe milicisë së kurdëve sirianë YPG. Ankaraja i konsideron të dyja këto grupe si terroriste. Më shumë se 40,000 njerëz janë vrarë në konflikt, i cili në të kaluarën ka qenë i fokusuar në juglindje të Turqisë, ku PKK ka synuar krijimin e atdheut etnik.
Discussion about this post