Këshilli i qytetit të Mariupolit pretendon se trupat ruse kanë bombarduar një shkollë arti në qytetin jugor të rrethuar, ku 400 njerëz po strehoheshin nga lufta.
Zyrtarët thonë se ndërtesa u shkatërrua të shtunën mbrëma dhe njerëzit janë ngecur nën rrënojat. Mësohet se brenda ishin strehuar gra, fëmijë dhe të moshuar.
Informacioni për viktimat nuk ishte i disponueshëm menjëherë.
Kjo pason bombardimin e një teatri në Mariupol javën e kaluar, i cili la qindra njerëz të bllokuar nën rrënoja në një strehë bodrumi.
Mariupol është përballur me disa nga bombardimet më të këqija të luftës me Rusinë, me mijëra të tjerë të mbetur pa akses në energji elektrike dhe ujë për ditë të tëra.
Mësohet se më shumë se 2,400 njerëz janë vrarë në qytet, me autoritetet që iu drejtuan varrezave masive për varrosje.
Ditën e djeshme, rreth 4000 njerëz mundën të ikin nga porti i Detit të Zi.
Por zyrtarët ukrainas pretendojnë se mijëra banorë janë dërguar me forcë në qytetet ruse. Sky News nuk ka mundur ta verifikojë këtë pretendim.
Discussion about this post