Thomas Tuchel mund të shkruajë historinë me Anglinë dhe, përveç lavdisë sportive, trajneri gjerman pritet të shpërblehet edhe me një bonus të jashtëzakonshëm financiar.
“Tre Luanët” janë rikthyer në gjysmëfinalet e Kupës së Botës dhe tashmë ëndërrojnë trofeun e parë që prej vitit 1966.
Një sukses që do të kishte meritën e shumë lojtarëve, por edhe të teknikut Tuchel, i cili ka ndërtuar një skuadër konkurruese, pavarësisht kritikave për zgjedhjet e tij.
Trajneri gjerman la jashtë disa emra të njohur si Foden, Palmer dhe Harry Maguire, vendime që shkaktuan polemika në Angli.
Megjithatë, rezultatet i kanë dhënë të drejtë, pasi skuadra ka avancuar deri në fazën finale të turneut.
Sipas raportimeve, nëse Anglia arrin të fitojë Kupën e Botës, Tuchel do të përfitojë një premio prej 3 milionë paundësh.
Kjo shumë konsiderohet një nga bonuset më të mëdha të parashikuara për një trajner të kombëtares angleze, por për Tuchelin shpërblimi më i madh do të ishte hyrja në histori.
Një triumf në Botëror do t’i jepte fund pritjes 60-vjeçare të Anglisë për trofeun më prestigjioz të futbollit dhe do ta vendoste trajnerin gjerman mes figurave më të rëndësishme të historisë së “Tre Luanëve”.
Discussion about this post