Bora dhe Donaldi kthejnë historinë e tyre në serial, a do jetë Beatrix?

Donald Veshaj dhe Bora Zemani janë çifti më i përfolur i momentit.

Ata janë gjithmonë në qendër të mediave rozë, pasi lidhja e tyre e dashurisë zgjon gjithmonë kuriozitet te publiku.

Mirëpo, duket se çifti nuk është mjaftuar vetëm me ekranin e televizionit dhe kanë zgjedhur që të përfshihen edhe në kinema.

Burime për “News31” kanë konfirmuar se ata po përgatisin një serial, i cili do të ketë disa seri dhe në fokus do të jetë e gjithë historia e tyre.

Madje, së fundmi po përflitet se do të rikrijohen edhe momentet e Donaldit me Beatrixën përgjatë qëndrimit të tyre në “BBV”, ku patën edhe një romancë të shkurtër.

Lexo edhe Bora ngatërron shkronjën G me K gjatë prezantimit, ja momenti viral (VIDEO)

Projekti pritet të mbyllet në fund të vitit të ri dhe transmetimi do të nisë sezonin e ardhshëm televiziv.

Të gjithë mezi po e presin, pasi aktor do të jetë edhe Donaldi, i cili me sensin e tij të humorit do të dhurojë pafund të qeshura.