Donald Veshaj, aktori i njohur i humorit dhe njëkohësisht i njohur si një ndër finalistët e “Big Brother Vip”, vazhdon të marrë vëmendje për historinë e tij me Bora Zemanin dhe këtë herë si temë diskutimi është bërë varësja e tij.
Pas daljes nga “Big Brother VIP”, aktori i humorit ka reaguar për herë të parë ditën e djeshme. Në një postim në rrjetin e tij social Instagram ai ka shkruar se ka mbyllur porta që nuk duhet t’i kishte hapur kurrë referuar lidhjes me Beatrix që krijoji brenda shtëpia më të famshme. Më tej shprehej se i ka kërkuar falje Borës dhe se po pret që me ndihmën e diellit dhe kohës “Bora të shkrihet”.
“Jam i lumtur për eksperiencën, por i penduar për humbjen time aty, një humbje që po mundohem ta rifitoj që në momentin që dola e këtu nuk po flas për çmimin e madh. Kam kërkuar falje aty ku duhet dhe ku meriton dhe kam mbyllur portat që nuk duhet t’i kisha hapur kurrë. Me ndihmën e kohës dhe të diellit uroj që të shkrihet. Deri atëherë do bëj më të mirën që artin tim ta shpreh në format që unë di dhe dashamirësinë që kam marrë gjithë kësaj kohe ta kem mundësinë të jua kthe.”
Nga ana tjetër, disa orë pas kësaj deklarate Donaldi postoi një video ku vinte në pah trupin e tij pa bluzë, teksa mbante varësen që ia dhuroi Borës. Këtë video aktori e shoqëroi me këngën “Say something” teksti i të cilës thotë: “Thuaj diçka, po dorëzohem para teje”.
Teksa në videon e Donaldit është pjesa ku thuhet: “Dhe unë do të gëlltisë krenarinë time. Ti je ajo që dua.” Mesa duket tashmë Bora ia ka kthyer varësen aktorit.
Kujtojmë se, momenti kur Donaldi i dhuroi varësen e tij për 3 vjetorin e lidhjes prezantueses nga shtëpia e famshme ishte nga momentet më të bukura dhe më të komentuara në rrjetë aso kohe.
Ai e hodhi nga muri i oborrit bashkë me një pako biskotash në mënyrë që Bora ta merrte kur të shkonte në punë të nesërmen. Dhe ashtu ndodhi. Bora e mori dhuratën dhe e vendosi varësen derisa Donaldi u lidh me Beatrix.
Tashmë pasi gjithçka ka mbaruar, në internet ka qarkulluar një video që tregonte se makina e Donaldit ndodhej poshtë shtëpisë së Borës, duke lënë të kuptohet se ata janë takuar.
Discussion about this post