Vetëm 1 ditë na ndan nga finalja e madhe e “Big Brother VIP”, teksa konkurrentët finalistë janë Iliri, Beniada, Einxheli dhe Donaldit, të cilët po luftojnë për çmimin e parë.
Mësohet se nesër në mbrëmje, ky i fundit do të takohet me partneren e tij, Beatrixën. Në këtë mënyrë, çifti do të ketë mundësi të zgjidhë nga afër konfliktet e fundit, përpara se të shpallet fituesi.
Ndërkohë, burime për panorama.al, bëjnë me dije se ftesë ka marrë edhe moderatorja, Bora Zemani për të hyrë në shtëpi gjatë finales. Por duket se moderatorja nuk e ka pranuar këtë ftesë dhe ka lënë të kuptohet se me Donaldin ka mbyllur gjithçka.
Kujtojmë që javën e kaluar Beatrix kishte marr vendim për të mos u shfaqur në natën e spektaklit të reality-show “Big Brother VIP Albania”,duke refuzuar që ta takonte aktorin.
Artistja u largua nga Shqipëria ditën e shtunë duke udhëtuar bashkë me kushërirën e saj në Dubai, ku qëndroi për disa ditë.
Ndërsa të gjithë mendonin se raporti i saj me Donaldin është krisur, Beatrix tregoi mbështetje për aktorin përmes një postimi në rrjetin social “Instagram”, duke kërkuar publikisht ndjekësve që ta votonin Donaldin si fitues të këtij edicioni.
Discussion about this post