Ministrja e Shtetit për Rininë dhe Fëmijët, Bora Muzhaqi njihet për gafat e saj në daljet mediatike, ku jo pak herë ka qenë material për meme. Së fundmi, gjatë fjalës së saj në Kongresin e Partisë Socialiste Muzhaqi ka kërkuar ndjesë për diellin e tepërt.
Ndoshta ministrja nuk e di që për motin nuk vendos partia e saj, dhe as nuk është në tagrin e Ministrisë që drejton, por në një mënyrë a tjetër, u ka kërkuar falje të pranishmëve që i ka sjellë në pikë të diellit për të mbushur vendet në Kongresin e PS.
“Do falenderoj shumë panelistët dhe ndjesë për diellin e tepruar po ia keni dalë më së miri… Besoj se të rinjtë sot kanë mësuar disa gjëra të reja”, deklaroi ajo ndër të tjera.
Kongresi i Partisë Socialiste ka nisur punimet në pesë panele të ndryshme, ku secili prej tyre drejtohet nga ministrat përkatës dhe përfaqësues të lartë të PS duke krijuar një kakofoni në komunikim.
Discussion about this post