Përveç Semi Jaupajt, Bora Zemani ka zbuluar më herët që ka edhe një shoqe të ngushtë tjetër, e cila quhet Aulona. Moderatorja ka publikuar shpesh foto dhe video me shoqen e saj të ngushtë, ndërsa së fundmi ajo ka vendosur të publikojë mesazhet private me të.
Bora publikoi në rrjetin e saj social Instagram një bisedë të shkurtër që kishte zhvilluar me Aulonën. Biseda nis nga një mesazh që shoqja e saj i kishte dërguar Borës në një nga foto që ajo kishte publikuar.
Në mesazhet që kanë shkëmbyer, dy shoqet ironizojnë kritikat që moderatorja merr shpesh sa i përket pamjes së jashtme. Bora është kritikuar disa herë për operacione plastike në fytyrë dhe me sa duket ka vendosur të kundërpërgjigjet kështu.
Aulona: Pse nuk shkruajte jo po filtra, jo po operacione, jo po photoshop.
Bora: Ja e shkruajte ti.
Aulona: Dikush duhet ta thoshte. Vetëm se unë s’ta them dot publikisht se s’më njeh njeri, s’jam vip.
Bora: Ti je super vip mi. Të ka peshë fjala. Bricjap mo.
Nga ana tjetër, në një rrëfim që ka bërë përballë Semi Jaupajt në emisionin e dashurisë “Për’puthen”, Bora Zemani zbuloi nisjen e shoqërisë me këngëtaren dhe me Aulonën.
“Kur të shoh i kam përpara syve të gjitha ato momentet e para që jemi njohur me njëra- tjetrën, kemi qenë në të njëjtën klasë në gjimnaz në vit të parë. Kemi qenë tre shoqe në faktin të treja karaktere te ndryshme nga njëra- tjetra. Aulona ishte ajo vajza që i mbante ekuilibrat me të gjithë, ndërsa Semi ishte tipike ajo vajzë që qëndronte tek dera dhe nuk do t’i fliste vetëm klasës por edhe atyre që kalonin nëpër korridore.”
Kujtojmë se, Bora është ndër personazhet më të përfolur të momentit për mënyrën se si u zhvillua romanca e saj me Donald Veshajn pas ndarjes, tradhtisë së aktorit dhe së fundmi ribashkimit. Megjithëse dyshja nuk kanë folur asnjëherë hapur publikisht për thashethemet se janë ribashkuar.
Discussion about this post