Reshjet të dendura dëbore kanë përfshirë veriun e vendit ditën e sotme dhe si pasojë gjendja është përkeqësuar. Bëhet me dije se përkeqësimi i motit ka shkaktuar probleme në zonat e thella malore të Mirditës. Konkretisht, fshatrat Fushë Lugje, Lajthiz dhe Nën Shejt janë të bllokuara që prej janarit.
Ndërsa në Fushë Lugje ditën e sotme rruga ishte bllokuar plotësisht. Banorët e saj bëjnë thirrje për ndihmë pasi kanë nevojë për t’u furnizuar me ushqime dhe t’ju sigurohet ngrohja. Madje këto fshatra vuajnë prej javësh mungesën energjisë elektrike, por askush nuk është munduar të gjejë një zgjidhje.
Discussion about this post