Moderatorja e njohur Bora Zemani është një prej prezantueseve më të pëlqyera shqiptare e cila pa diskutim që është në majën e karrierës së saj.
Ajo ka qenë veçanërisht e përfolur gjatë spektaklit “Big Brother VIP’, për shkak të vizitës që i bëri brenda shtëpisë ish-të dashurit të saj, Donald Veshaj.
Së fundmi, moderatorja publikoi një fotografi të re, ku dukej mjaft bukur dhe tërheqëse e veshur me një xhaketë të hirtë me disa shirita me shkëlqim. Këtë xhaketë ajo e kishte kombinuar me një palë geta të zeza, të dizajnuara gjithashtu me shirita argjendi.
Kjo veshje është thuajse e njëjta me të cilën aktorja me famë botërore, Zendaya, u paraqit në premierën e filmit “Spider-Man: No Way Home” në Londër. Xhaketa dhe getat e prezantueses janë një imitim i veshjes së dizajnuar nga “Alexander McQueen”, që është pjesë e koleksionit pranveror të shtëpisë gjigante të modës.
Discussion about this post