Në Gjykatën Kushtetuese do të mbahet sot seanca e dytë dëgjuese për Bordin e Transparencës për karburantet, pas padisë së bërë nga Partia Demokratike zyrtare.
Kjo seancë, është vijim i seancës së mbajtur më datë 9 mars. Sot pritet të mbyllet shqyrtimi dhe brenda 1 muaji, do të jepet vendimi.
Pala paditëse, ajo e PD-së zyrtare, thotë se qeveria nuk ka bërë analizë të thelluar për nevojën dhe urgjencën e Bordit.
Për PD, bordi nuk mund të përcaktojë çmimet, pasi është në kundërshtim me tregun. Madje, bordi është akuzuar se jo vetëm nuk ka ndihmuar, por përkundrazi ka pasuruar xhepat e disa oligarkëve dhe të qeverisë, e cila ka krijuar të ardhura jo të pakta nga TVSH-ja.
Discussion about this post