Ndonëse dje çmim i naftës pësoi një ulje të lehtë, ky “lajm i mirë” zgjati vetëm për pak orë. Pasi në vendimin e marrë sot nga Bordi, pas orë 18:00 çmimi naftës do të rritet sërish. Nga 226 lekë për litër, që u vendos dje tregtimi i naftës, nga sot ajo do të shitet me 233 lekë për litër. Në vendimin e publikuar shihet se kanë pësuar rritje edhe benzina me gazin.
“Miratimin e çmimit tavan të tregtimit me pakicë të produkteve për datën 27.04.2022 deri në mbledhjen e ardhshme të Bordit, si më poshtë: • 233 Lekë/litri për gazoilin; • 213 Lekë/litri për benzinën; • 104 Lekë /litri për gazit të lëngshëm të naftës.*( çmimi i shitjes për gazin e lëngshëm të automjeteve do jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën”, thuhet në njoftimin e Bordit.
Nisur sa më sipër është vendosur që për tregun më shumicë nafta do të shitet 211 lekë për litër dhe benzina 201 lekë për litër.
Discussion about this post