Bordi i transparencës për përcaktimin e çmimeve të karburanteve pritet të shkrihet shumë shpejt. Report Tv bën të ditur se Bordi i Transparencës në mbledhjen e ardhshme mund të vendosë shkrirjen e vet.
“Parashikimet e këtij kreu zbatohen për aq kohë sa zgjat periudha e situatës së veçantë. 2. Zbatimi i parashikimeve të këtij kreu fillon me shpalljen e situatës së veçantë me vendim të Këshillit të Ministrave. Përfundimi i situatës së veçantë dhe i zbatimit të parashikimeve të këtij kreu përcaktohet me vendim të Bordit”, thuhet në VKM.
Ky vendim duhet të ishte marrë më parë pasi prej kohësh çmimet e hidrokarbureve në bursa kanë rënë, ndonëse në vendin tonë Bordi i reflekton me vonesë dhe nafta vijon të mbetet më e larta në rajon.
Discussion about this post