Bordi i Transparencës ka vendosur sërish ndryshimin e çmimeve të karburanteve në vend.
Në mbledhjen e zhvilluar sot, më 7 tetor, Bordi vendosi që një litër naftë të shitet me pakicë me jo më shumë se 210 lekë, ndërsa çmimi maksimal me shumicë do të jetë 198 lekë për litër.
Ndërkohë, për benzinën është përcaktuar një çmim maksimal prej 190 lekësh për litër në shitje me pakicë dhe 178 lekësh për litër në shitje me shumicë.
Çmimet e reja kanë hyrë në fuqi sot, 7 tetor, në orën 11:30 dhe do të qëndrojnë në fuqi deri në mbledhjen e ardhshme të Bordit, kur do të rishikohen në varësi të ndryshimeve të tregut.
Discussion about this post