Kryeministri britanik, Boris Johnson ka marrë mbrëmjen e sotme dozën e dytë të vaksinës. Kryeministri mori dozën e radhës AstraZeneca, pak më pak se 11 javë pas dozës së tij të parë në 19 mars.
Ajo u administrua nga Dr James Black në një qendër vaksinimi në Institutin Francis Crick, e cila është e specializuar në kërkimet biomjekësore.
Pas vaksinës, Johnson dha një bravo dhe tha se nuk ndjeu asgjë, të njëjtin reagim që ai dha për vaksinimin e tij të parë në Spitalin St Thomas në Londër në Mars.
Johnson më pas falënderoi Dr Black, i cili tha se ishte vullnetar në qendrën e vaksinave një herë në javë ndërsa vazhdonte punën e tij në hulumtimin e kancerit të gjakut në institut.
Duke postuar një fotografi të procedurës së shkurtër në Instagram shkroi: “Doza e dytë u bë. Kur të jetë radha jote, merre dozën.”
Ndërkohë, autoritetet britanike njoftuan sot se gjysma e popullsisë së rritur ka marrë të dyja dozat e vaksinës.
