Kryeministri i Anglisë Boris Johnson është përfshirë në një stuhi skandalesh lidhur me periudhën e pandemisë në vitin 2020. Së fundmi janë zbuluar detaje të reja sa i takon festave në shtëpinë e tij bashkë me kabinetin qeveritar.
Më 19 qershor 2020, Johnson mbushi 59 vjeç dhe bashkë me stafin e tij u mblodhën duke festuar në ambjentet e mbyllura të shtëpisë së tij.
Sipas mediave britanike, pretendohet se e fejuara e tij e atëhershme Carrie e surprizoi kryeministrin me një tortë dhe një grup prej 30 personash këndoi në kor këngën “Happy Birthday”.
Sekretarja e Boris Johnson deklaroi se :“Pra, kur njerëzit në zyrë blejnë një tortë në mes të pasdites për dikë tjetër, ata janë duke punuar në zyrë dhe ndalojnë për dhjetë minuta për të kënduar urime ditëlindjen dhe më pas shkojnë kthehen në tavolinat e tyre, kjo tani quhet festë?”
Të gjitha këto skandale tashmë janë vënë në fokus të hetuesve të cilët po grumbullojnë provat dhe brenda pak ditësh do të dalin me një raport të plotë.
Discussion about this post