Udhëheqësi i opozitës në Mbretërinë e Bashkuar, Keir Starmer e quajti kryeministrin britanik Boris Johnson“një njeri pa turp” gjatë përplasjeve në parlament, ndërsa deputetët përgatiteshin të votonin nëse Boris Johnson duhet të hetohej për gënjeshtra në lidhje me skandalin e festave në periudhën e Covid-19.
Sipas The Guardian, duke iu drejtuar deputetëve për herë të parë që nga marrja e një njoftimi me penalitete për pjesëmarrjen në një festë të organizuar për ditëlindjen e tij në qershor 2020, Boris Johnson foli për përulësinë e tij, por tha se nuk i kishte shkuar në mendje se mbledhja ishte një shkelje e rregullave të Covid.
Deputetët do të votojnë të enjten për një mocion laburist që do të nxiste një hetim nga komiteti i privilegjeve të Dhomës së Komunave nëse Johnson mashtronte parlamentin lidhur me një sërë festash në periudhën e pandemisë.
Starmer u kërkoi deputetëve konservatorë që të shfrytëzojnë mundësinë për të hequr qafe Johnson dhe të sjellin mirësjelljen, ndershmërinë dhe integritetin në politikën britanike.
Discussion about this post