Ekonomia shqiptare vazhdon të jetë e rrezikuar nga niveli i lartë i borxhit publik. Në këtë përfundim ka dalë agjencia Moody`s. Në një raport të publikuar së fundmi për vendin tonë. Moody`s tregon se borxhi publik është rritur gjatë vitit të kaluar dhe mund të në nisë një rënie të lehtë vetëm në fund të këtij viti. Por, sipas agjencisë, problem mbetet fakti që aftësia paguese mbetet e njëjtë me periudhën para-krizës së shkaktuar nga pandemia.
Ndër të tjera, agjencia sheh si shqetësim të madh faktin që ekonomia shqiptare është mjaftë e ekspozuar nga rreziqet sociale. Theksohet se, kemi në gjendje t dobët arsimin, punësimin dhe shëndetësinë, zërat kryesore që prej kohësh nuk po njohin zhvillim.
“Ekspozimi ndaj rreziqeve sociale është i lartë dhe lidhet kryesisht me cilësinë e shërbimeve bazike, faktorët demografik jo të favorshëm, emigrimin e lartë, si dhe popullsinë në plakje, që do të peshojë në terma afat-gjatë. Edhe shëndeti, të ardhurat, arsimi, apo puna vlerësohen si burim rreziku për profilin e borxhit të Shqipërisë, paçka se në një nivel më të moderuar”, nënvizon agjencia.
Sa i përket notës mbi qeverisjen, vlerësuar si negative e moderuar, agjencia nënvizon se sundimi i ligjit dhe kontrolli i korrupsionit mbeten të dobëta. Nota e vlerësimit për të tre këta faktorë mbetet e pandryshuar krahasuar me raportin e muajit nëntor.
Discussion about this post