E gjitha bota është futur në panik për shkak të Omicron, ndërsa shkencëtarët japin paralajmërimin e fortë. Mbretëria e Bashkuar regjistroi të hënën vdekjen e parë të një pacienti të infektuar me Omicron. Rastet në Danimarkë janë rritur, duke çuar në një numër rekord ditor të infeksioneve me coronavirus. Ekspertët thonë gjithashtu se tashmë janë duke u zbuluar variante të reja të Omicron, të cilat mund të jenë edhe më ngjitëse se lloji ekzistues.
Megjithatë, në gjithë këtë situatë, ka edhe shpresë. Pfizer kohët e fundit kreu një studim që tregon se jo të gjitha dozat e vaksinës janë të mjaftueshme për t’u mbrojtur kundër Omicron. Siç theksuan drejtuesit e kësaj kompanie, besohet se një dozë përforcuese e vaksinës Pfizer mund të sigurojë mbrojtjen e nevojshme kundër mutacioneve të reja.
Studimi është kryer edhe për pilulat e coronavirusit dhe rezultatet janë mjaft inkurajuese.Pilula COVID-19 e kompanisë zvogëlon rrezikun e shtrimit në spital ose vdekjes me 89 për qind nëse u jepet të rriturve me rrezik të lartë brenda ditëve nga simptomat e para, tha kompania në një njoftim për shtyp të martën.
Pfizer shpreson se përfundimisht do të jetë në gjendje t’u ofrojë pilula njerëzve për përdorim në shtëpi, përpara se ata të shfaqin simptoma për shtrimin në spital. Paklovid kombinon një ilaç të ri antiviral të quajtur nirmatrelvir me një më të vjetër të quajtur ritonavir.
Discussion about this post