Anglia e ka mbyllur Kupën e Botës 2026 në vendin e tretë, pasi triumfoi 6-4 ndaj Francës në një ndeshje spektakolare me plot 10 gola, të zhvilluar në Miami.
“Tre Luanët” e nisën vrullshëm sfidën dhe kaluan në avantazh që në minutën e tretë me një goditje të fuqishme nga distanca të Declan Rice. Mesfushori anglez ishte sërish protagonist në minutën e 18-të, kur asistoi për Ezri Konsa, i cili shënoi me kokë për 2-0.
Dominimi anglez vazhdoinë pjesën e parë. Marcus Rashford shërbeu për Bukayo Saka, që realizoi golin e tretë në minutën e 37-të, ndërsa në shtesën e pjesës së parë ylli i Arsenalit shënoi edhe të dytin personal për ta çuar rezultatin në 4-0.
Franca reagoi menjëherë pas pushimit. Kylian Mbappé ngushtoi diferencën në minutën e 48-të pas një asisti të Michael Olise, ndërsa Bradley Barcola realizoi për 4-2 vetëm gjashtë minuta më vonë.
Në minutën e 66-të, Mbappé shënoi sërish dhe e riktheu plotësisht në lojë Francën, duke e çuar rezultatin në 4-3.
Kylian Mbappé ka rishkruar përfundimisht librat e historisë së futbollit botëror! Me rrjetën e tij të dytë në këtë supersfidë, Mbappé jo vetëm që vulosi dominimin e tij, por theu rekordin absolut: ai ka arritur shifrën e jashtëzakonshme të 22 golave në karrierë në Kupat e Botës, duke lënë zyrtarisht pas legjendën argjentinase, Leo Messi, i cili mbetet në kuotën e 21 golave.
Megjithatë, në minutën e 85-të Anglia fitoi një penallti pasi Djed Spence u pengua në zonë nga Malo Gusto. Nga pika e bardhë, Bukayo Saka ishte i saktë, kompletoi tripletën personale dhe realizoi golin e pestë të anglezëve.
Drama nuk përfundoi aty. Në minutën e gjashtë shtesë, Ousmane Dembélé shënoi për 5-4 dhe i dha edhe një herë shpresë Francës. Por vetëm dy minuta më vonë, Jude Bellingham zhvilloi një aksion fantastik individual, kaloi disa kundërshtarë dhe me një goditje të saktë vulosi fitoren 6-4 të Anglisë.
Me këtë sukses, skuadra e Thomas Tuchel siguron medaljen e bronztë në Botërorin 2026, ndërsa Franca e mbyll turneun në vendin e katërt, në ndeshjen e fundit të Didier Deschamps si trajner i “Les Bleus”.
Rezultati:
Francë 4-6 Angli
Mbappe 48′, 66′, Barcola 58′, Dembele 90+6′ / Rice 3′, Konsa 18′, Saka 37′, 45+1′, (P) 87′, Bellingham 90+8′
90+8′ Goool Anglia/ Bellingham lëviz bukur drejt zonës, i shmanget lojtarëve dhe shënon golin e gjashtë për Anglinë. (Video)
90+6′ Goool Franca 4-5/ Dembele hyn në zonë dhe me të majtën tund rrjetën. (Video)
87′ Goool Anglia 3-5/ Saka nuk gabon nga pika e bardhë e penalltisë. (Video)
66′ Goool Franca 3-4/ Mbappe godet brenda zonës dhe gjen sërish rrugën e rrjetës. (Video)
54′ Goool Franca 2-4/ Barcola merr një top në zonë dhe nuk gabon përballë Henderson. (Video)
48′ Goool Franca 1-4/ Olise hedh një top në zonë për Mbappe, i cili nuk gabon përballë portierit. (Video)
45+1′ Goool Anglia 0-4/ Saka godet me të majtën në hyrje të zonës dhe shënon të katërtin. (Video)
37′ Goool Anglia 0-3/ Pas një sërë tentativash në zonë, Rashford pason për Sakan i cili nuk gabon me portën e boshatisur. (Video)
18′ Goool Anglia 0-2/ Rice kroson drejt zonës dhe Konsa kërcen mbi të tjerët dhe tund rrjetën pas një goditje me kokë. (Video)
3′ Goool Anglia 0-1/ Rice godet nga distanca dhe shtang Maignan duke tundur rrjetën. (Video)
gijotina.com/
Discussion about this post