Ditën e hënë, FIFA bëri me dije edhe detajet e fundit në lidhje me zhvillimin e Botërorit të Klubeve 2023, i cili do të zhvillohet në Mbretërinë e Arabisë Saudite. Organizmi kryesor i futbollit, caktoi dhe qytetin që do të jetë teatër i eventit (i fundit me formatin aktual).
Botërori i Klubeve FIFA 2023, do të zhvillohet në qytetin e Xhedës.
“Monarkia absolute” do jetë pritëse e turneut, për herë të parë, në datat 12 deri më 22 dhjetor 2023.
Shtatë klube do të garojnë në Kupën e Botës për Klube 2023: Manchester City (Kampion i Europës), Urawa Red Diamonds (Kampion i Azisë), Al Ahly Kajro (Kampion i Afrikës), Leon (Kampion i Amerikës së Veriut), Auckland City (Kampion i Oqeanisë), Al Ittihad (Kampion i vendit organizator) dhe fituesi i Copa Libertadores (Amerika e Jugut).
Shtojmë se së shpejti kampionati botëror i klubeve do të zhvillohet në format të zgjeruar me 32 skuadra. Turneu i parë i tillë do të mbahet në vitin 2025 në Shtetet e Bashkuara.
Discussion about this post