Një ndeshje mjaft e rëndësishme dhe shumë e luftuar është zhvilluar orët e para të mëngjesit të ditës së sotme. Manchester City është skuadra e radhës që është eliminuar nga Kupa e Botës për Klube.
Kjo pasi Al Hilal ia doli të triumfonte me shumë vuajtje ndaj gjigantëve anglezë. Dueli mes tyre shkoi në kohën shtesë, pasi koha e rregullt kishte përfunduar 2-2, ndërsa arabët në fund triumfuan 4-3.
Ekipi i drejtuar nga Simone Inzaghi “shtang” kështu Pep Guardiolën, duke i eliminuar nga ky turne. Me këtë fitore, Al Hilal është kualifikuar për në fazën tjetër të turneut.
Ndërkohë kujtojmë se në mbrëmje e gjithë vëmendja do të jetë te dueli mes Real Madrid dhe Juventusit.
Një sfidë e cila do të startojë në orën 21:00 dhe do të marrë vëmëndjen e tifozëve.
Discussion about this post