Kampionati Botëror i Peshëngritjes 2021 do të zhvillohet në Tashkent të Uzberkistanit më 7-17 dhjetor, ndërsa Shqipëria do të përfaqësohet nga 5 sportistë.
Në këtë kampionat përfaqësues ‘Kuqezi’ do të jenë . Evangjelia Veli, në kategorinë 55 kg, Briken Calja dhe Erkand Qerimaj në kategorinë 73 kg dhe Daniel Godelli e Krenar Shoraj në kategorinë 89 kg.
Këta emra do të tentojnë që ta rikthejnë edhe njëherë tjerë peshëngritjen në sportin më të suksesshëm të vendit tonë në garat ndërkombëtare.
Rikujtojmë se emra si Qerimaj kanë përfaqësuar denjësisht vendin tonë në këto kompeticione duke u shpallur kampion Europe për peshën 77 kg në 2012-ën, ndërsa në 2014 mori medaljen e artë po në Europian, duke lënë në vend të dytë Daniel Godellin. Ndërsa Briken Calja ka fituar Europianin e 2018-ës në kategorinë e 69 kg.
E vetmja përfaqësuese vajzë në peshëngritje Evangjelia Veli fitoi medaljen e bronztë në peshën 55 kg në Europianin e zhvilluar në Rusi në prill të 2021-shit.
Daniel Godelli ka marrë Medaljen e Artë në Botërorin e 2014 të zhvilluar në Almati, titull që iu hoq pasi nga testet rezultoi pozitiv për doping, teksa titull që mban është vendi i dytë në Europianin 2012, kur doli pas Qerimajt në kategorinë e 77 kg.
Ndërsa Krenar Shoraj ka marrë medaljen e bronztë në Europianin 2019 të zhvilluar në Gjeorgji në kategorinë e 89 kg të stilit të shtytjes./K.T/Gijotina.com
Discussion about this post