Sep Blater, ishte presidenti i FIFA-s kur Katarit iu dha e drejta për të organizuar Kupën e Botës 2022.
Vendimi nga qeveria botërore e futbollit u morr në vitin 2010. Por në një intervistë për gazetën zvicerane “Tages Anzeiger”, 86 vjeçari u shpreh se “Katari është një gabim” dhe se zgjidhja ishte e keqe.
Vendimi për t’i dhënë Katarit të drejtën e organizimit solli polemika të shumta, ndërsa shteti i vogël në gadishullin arabik është akuzuar për korrupsion dhe shkelje të të drejtave të njeriut. Blater, ka qenë në krye të FIFA-s për 17 vite.
Edhe ndaj tij ka pasur akzua për korrupsion, ndërsa në qeshor u shpall i pfajshëm nga gjykata zvicerane pasi u akuzua për zhvatje. Vendimi është apeluar nga prokurorët.
“Është një vend shumë i vogël. Futbolli dhe Kupa e Botës janë shumë të mëdha për të,” tha Blater në intervistë për Katarin, vendin e parë në Lindjen e Mesme që organizon eventin.
Ai shtoi se në vitin 2012, FIFA ndryshoi kriteret që përdoren për të zgjedhur shtetet organizatore e në lidhje me shqetësimet për kushtet e punës në kantieret e ndërtimit në Katar.
Ish presidenti nuk ka ndërmend që të vizitojë në shtetin arab për kampionatin botëror. Ai ka vendosur që ta shikojë eventin nga shtëpia e tij në Zyrih.
Discussion about this post