Mbrojtësi i Kombëtares shqiptare, Frederik Veseli ka folur ndër të tjera në konferencën për mediat nga grumbullimi para kualifikueseve të nëntorit për Botërorin ‘Katar 2022’ se një nga problemet kryesore të tyre janë mungesat.
Lojtari Salernitanas u shpreh se përveç Gjimshitit që është një lojtar thelbësor, ‘Kuqezinjve’ do u mungojë edhe ylli i sulmit, Armando Broja.
“Normal që e vuajmë si mungesat e tjera, normale që Berati është lojtar me shumë cilësi, është më i miri të Atalanta së fundmi. Megjithatë të gjithë jemi të gatshëm ta zëvendësojmë. Ndikon edhe mungesa e Brojës, por secili mund të zëvendësojë njëri-tjetrin shumë lehtë.”-u shpreh Veseli.
Rikujtojmë se më 12 nëntor Kombëtarja jonë do të përballet me Anglinë në transfertë dhe 15 nëntor me Andorën në ‘Air Albania’, të dyja takime që do të luhen në orën 20:45.
Ndërsa për t’u kualifikuar për Botërorin ‘Katar 2022’, Shqipërisë i duhen dy fitore dhe në të njëjtën kohë një disfatë e Polonisë, pasi aktualisht ne renditemi në vendin e tretë të Grupit I me 15 pikë, ndërsa polakët qëndrojnë në vend të dytë me 17 pikë./K.T/Gijotina.com
Discussion about this post