Pak më parë autoritet Italiane publikuan përgjimet e bëra në lidhje me rrjetin e pastrimit të parave, ku ishte i përfshirë biznesmeni shqiptar Rezart Taçi. Nga këto përgjime është përmendur si pjesë e rrjetit edhe zëvendëskryeministri shqiptar, po pa publikuar emër. Kjo çështje ka sjellë sot debate në Komisionin e Ekonomisë pasi disa dyshojnë për zëvendëskryeministrin aktual, Arben Ahmetajn, dhe disa të tjerë për paraardhësin Erion Braçe.
Në debate e sipër deputeti Ferdinand Xhaferraj, i kërkoi informacion Drejtorit të Agjencisë së Parandalimit të Pastrimit të Parave në lidhje me këto akuza. Sipas tij, institucionet përgjegjëse duhet të zbardhin të vërtetën për të mos zvarritur më këtë çështje
Kërkesës së Xhaferraj iu përgjigj kryetari i komisionit, Nasip Naço. I cili tha se për këto pyetje që ngrenë duhet t’i drejtohen SPAK. “Kolegu mund t’i drejtohet SPAK për informacione më të hollësishme. Nuk kam pyetur komisionin e Sigurisë.Nuk merret drejtori me përgjime. Një nga problemet më të mëdha që ka Rilindja është transparenca me publikun”, tha Naço, ndërsa deputetë nga radhët e opozitës thanë se SPAK duhej të kishte vepruar me kohë dhe të kishte vënë para drejtësisë personat e përfshirë.
Përveç debatit për çështjen e përgjimeve që lidhen me dosjen e Rezart Taçit, Komisioni i Sigurisë Kombëtare, miratoi me shumicë votash projektligjin që detyron familjarët e politikanëve, të gjyqtarëve dhe prokurorëve që të deklarojnë pasuritë.
Discussion about this post