Ish- zëvendëskryeministri Erion Braçe, prej disa kohësh tashmë është duke bërë opozitë ndaj qeverisë me tone të ashpra. Mëngjesin e sotëm ai ka denoncuar rastin e qendrës së re shëndetësore në Këmishtaj të Divjakës, që ndonëse është ndërtuar para pak kohësh, dje hyrjen ia ka zënë uji.
“Kjo është qendra e re shëndetësore në Këmishtaj! Urdhëroni hyrjen ia ka zënë uji, oborrin gjithashtu. Me asnjë objekt tjetër në Këmishtaj nuk ka ndodhur kjo”, shkruan Braçe.
Deputeti socialist shprehet se ka thirrur disa herë në zyrë drejtuesit e kompanisë për të bërë ngritjen e nivelit të oborrit, por pa rezultat.
“Nuk di si të sillem me drejtuesin e kompanisë nën kontratë. E kam thirrur disa herë, në telefon por edhe në zyrë, kam folur me të për çdo gjë që nuk shkon, i jam lutur për të korrigjuar problemet. Për këtë që ka ndodhur i jam lutur të bëjë ngritjen e nivelit të kanaleve shkarkuese të rrugës ku duhet të kulloj apo jo”, shprehet ai.
Sipas tij, tani mbetet vetëm që kontraktuesit të mos marrin në dorëzim objektin pa rregulluar çdo gjë.
