Ish-zv.kryeministri Erion Braçe, është shprehur se pas përfundimit të hetimevenga policia italiane mbi dosjen ku përfshihet biznesmeni Rezart Taçi, ai do të hedhë në gjyq deputetin e PD-së Ervin Salianjin, pas akuzave që ky i fundit i bëri për implikimin e ish-zv.kryeministrit në përgjimet e gjetura nga autoritet italiane. Braçe tha se ai nuk është takuar kurrë me Rezat Taçin dhe se mund të falë betejën politike por jo ‘vrasjen me pagesë’ që iu bë në Kuvend.
“Unë mezi pres që të mbyllet hetimet e SPAK dhe prokurorisë italiane dhe më pas të shkojë në derën e gjykatës. Unë fal betejën politike, por jo vrasjen me pagesë në mes të parlamentit dhe ajo që u bë atje ishte “vrasje me pagesë”. Unë nuk e kam takuar kurrë në jetën time Rezart Taçin”, tha Braçe
Teksa fliste për etikën në Kuvend, Salianji akuzoi ish-kryeministrit Erion Braçe se gjatë kohës së mbante postin si ish-zv.kryeministër ka bashkëpunuar me Rezart Taçin, ndaj ai shfaqet në përgjimet e prokurorisë italiane.
“Kjo hipokrizia sikur këtu ka disa gra ministre e deputete bëjnë të prekurat për një fjalë që nuk prek askënd, kurse kur km i drejtohet kryetares së parlamentit për mbarimin e fjalës i kthehet. Ka 10-fishuar pasurinë e saj dhe bashkëshortit të saj zonja Bushka. Prandaj del dhe bën këtu si engjëll, por nuk është engjëll. Zotëria, parafolësi im 40 milionë euro me tendera. Ky zotëria që del dhe bën si më i shqetësuari, në përgjimet e prokurorisë italiane, për Rezart Taçin. A je ti zv.kryeministri që del në përgjime. Mos m’u drejto mua si kone se je mësuar me këta ,” tha Salianji.
Kjo akuzë solli acarimin e Braçes i cili tha se Salianji është shpifës që paguhet me para cash për të bërë këtë gjë, teksa situata agravoi deri në konfrontim fizik dhe ofendime personale.
Discussion about this post