Ish-zëvendës kryeministri Erion Braçe ka kritikuar ashpër të gjitha platformat mediatike në vend që si kryefjalë të tyre kanë pasur këto ditë debatin Berisha-Basha.
Brace reagon i revoltuar në Facebook, teksa shkruan se ndërsa media merret me dy kufoma politke që luajnë luftash, importuesit e gruri, kanë njoftuar se për çdo prodhim do rrisin çmimet me 30%.
“Pupupupupupu; Sot dita e katërt, e gjithë media vijon e merret me dy kufoma që luajnë luftash! Ndërkohë iku e harrua karteli i importuesve të grurit, prodhimit të miellit, shitjes, prodhuesve të bukës. Sot karteli ka njoftuar çdo prodhues brumërash se do rrisë çmimet me 30%! Merruni me dy kufoma që bëjnë sikur vrasin njëri tjetrin në 14 shtator!,”- shkruan Braçe.
Prej ditësh mediat në vend janë pushtuar nga ngjarja e ditës së enjte, ku kreu demokrat Lulzim Basha përjashtoi nga grupi parlamentar, liderin historik të PD, Sali Berisha. Ky i fundit shkoi në Kuvend, ndërsa nuk ka përjashtuar faktin që mund të rikthehet në krye të PD.
Prej 2 javësh disa furra në vend kanë rritur çmimin e bukës me 10 lekë, duke e çuar në 80 lekë, me një shtrenjtim rreth 14%.
