Pak ditë më parë në Parlamentin e Shqipërisë teksa ka folur për subvencionet e TVSH ka përmendur edhe kompaninë me themel në Kosovë “Doni Fruits”, duke thënë se merr ndihma dhe subvencione pa i merituar. “Ejupi ka pikën më të madhe të eksporteve në Lushnje, ia bëri Qeveria – kjo Qeveri (afër 100 milionë lekë të reja, plus rrugën nga FSHZH, plus linjë të dedikuar për energjinë nga OSHEE, plus linjë të dedikuar uji nga UK Lushnje); Ejupi është një nga përfituesit më të mëdhenj nga TVSH për bujkun (sipas shifrave nga tatimet); dhe Ejupi është një nga përfituesit më të mëdhenj nga çmimet dhe trajektorja e tyre (sipas shifrave nga doganat)”, ka reaguar Braçe.
Në lidhje me këtë deklaratë ka reaguar sot kryetari i Odës Ekonomike të Kosovës, Berat Rukiqi. I cili përmes një letre dërguar kryeministrit , Edi Rama, ka këkruar që ky i fundit të ndërmarrë veprime ndaj deputetit Erion Braçe. Sipas tij, Braçe po përdor gjuhë shantazhuese ndaj kompanisë Doni Fruits. Kujtojmë se, Ejup Ahmeti, pronar i pikës së eksporteve “Doni Fruits”, pas një reagimi të bërë në Facebook ka ngjallur përplasjen mes Kosovës dhe Shqipërisë lidhur me ndryshimin e Paketës Fiskale 2022 në fushën e bujqësisë. Ahmeti, gjatë ditës së diel, ka dalë haptas pro një proteste paqësore, që sipas tij ka për qëllim sensibilizimin e Qeverisë dhe Opinionin Publik, për ndryshim të paketës fiskale.
Kryetari i Odës Ekonomike të Kosovës, Berat Rukiqi, gjykon se reagimi i Ahmetit nuk është aspak tendencioz, sepse reagoi si çdo biznes tjetër që preket nga ndryshimet fiskale, por deklarata e Braçes shpreh hapur shantazh dhe e kthen çështjen në personale. “Doni Fruits është tregim suksesi në Kosove dhe rajon, ndër kompanitë e rralla nga Kosova me sukses në Shqipëri. Mijëra fermerë në Kosovë dhe Shqipëri janë përfitues direkt nga puna e palodhshme e Doni Fruits, me qendrat e grumbullimit të frutave dhe perimeve në këto dy vende. Në ditët e fundit, aktiviteti i kësaj kompanie në Shqipëri, po rrezikohet seriozisht, nga sulmet dhe gjuha shantazhuese e deputetit Erion Braçe”, thuhet në reagimin e Rukiqit.
Në përfundim, ai tregon në cilësinë e Kryetarit te Odes Ekonomike të Kosovës, i benë apel edhe Qeverinë e Republikës së Kosovës, te adresoj ketë çështje te autoritetet relevante në Shqipëri.
Discussion about this post