Deputeti socialist, Erion Braçe e ka konsideruar si “teatër” referendumin e thirrur nga ish-kryeministri Sali Berisha për shkarkimin e kreut aktual të PD, Lulzim Bashës.
Braçe nuk ka kursyer as ironinë, ku në Facebook ka postuar edhe një video të një tufe me gjela deti, teksa thotë se gjithë sa po ndodh e ka edhe një fund ‘për therje’.
“Kongres, koncert, referendum, teatër por me një afat: 31 dhjetor! Gjithçka ka një fund, për therje! Ky miku im dje ne korie/Divjakeë e kishte të qarte; të pastër, të shëndetshëm, të bukur, të lirë, të lumtur aty tek toka para shtwpisë e në diell; pooor; i kishte të shitur! për therje! Shih sa bukur këndojnë!”, shkruan Braçe.
Anëtarët e PD janë ftuar nga ish-kryeministri në një referendum për shkarkimin e Bashës. Në 71 degët e partisë, janë ngritur 106 qendra votimi ku vetëm në kryeqytet do të ketë 22 të tilla. Për të shmangur incidentet, selia blu nuk do të jetë vend votimi, ndërsa ish-kryeministri do të votojë në një qendër pranë ambasadës amerikane.
Discussion about this post