Zv.kryeministri Erion Braçe i është përgjigjur publikisht kritikave në lidhje me tatimin në bazë të fitimit, duke publikuar politikat që ndiqen në SHBA.
Braçe shprehet se kush fiton më shumë paguan më shumë dhe kush fiton më pak paguan më pak. Ai thekson se ky nuk është komunizëm por kapitalizëm, tatim progresiv dhe rishpërndarje.
“Në Amerikë kjo është. Kush fiton më shumë paguan më shumë. Kush fiton më pak, paguan më pak. Komunizëm? Jo. Kapitalizëm. Tatim progresiv, drejtësi, rishpërndarje”, shkruan Braçe.
