Deputeti Erion Braçe ka nisur një seri fyerjesh ndaj blogereve që marrin pjesë në protestën kundër qeverisë. Vetëm në 24 orët e fundit, Braçe ka fyer dhe ofenduar blogeret, duke nisur me Dea Mishel dhe më pas me Irini Myftarajn. Dea Mishel ka komentuar me ironi në një postim të Braçes, duke iu referuar sulmit me vezë ndaj automjetit të tij.
“Erion mirëdita, si je? Vinte shumë erë vezë makina? E lave vetë apo në servis? Apo e ke lënë për momentin? Kujdes se thahet dhe mezi e heq pastaj. Është e keqe veza. Po ashtu, mos ke nevojë të të çojmë për ndonjë grafi? Mos ke thyer gjë? Se si dihet goxha sulm ishte. Më vjen keq. Të përshëndes”, ka shkruar Mishel.
Pas këtij komenti, deputeti Erion Braçe i është përgjigjur shkurt: @deamichellee aaauuuu, je larë ti?!
Vetëm disa orë më vonë, Braçe ka reaguar me gjuhë fyese ndaj aktivistes Irini Myftaraj në rrjetet sociale, duke e quajtur atë “këllirë rrugësh”.
Vetë Myftaraj ka publikuar një fotografi (screenshot) të komentit, ku sipas saj duket qartë gjuha e përdorur nga deputeti, duke e cilësuar reagimin si arrogant dhe të papranueshëm.
Discussion about this post