Ish-zv.kryeministri Erion Braçe ka reaguar pas përplasjes në Kuvend me deputetin e PD, Ervin Salianjin Sipas Braçes, reagimi erdhi kur nisi të hidhej baltë mbi emrin e tij, e kur u fol për lidhje mes tij dhe biznesmenit në kërkim Rezart Taçi.
Braçe tha ai nuk e njeh aspak biznesmenin dhe ka qenë një nga personat që ka denoncuar sistematikisht “Armon”, ndërsa i mohon akuza për bashkëpunim.
“Dokumenti i përgjimit të Rezart Taçit mban datën 18 tetor, 2021. Atë dokument e zotëroj të plotë. Në 18 tetor 2021 unë nuk kam qenë zv.kryeministër. Që në shtator, roli im ka qenë thjesht i deputetit, që të jemi korrekt e të qartë. E di shumë mirë që në këtë sallë ka njerëz që paguhen për të shpërndarë akuza sa te njëri e te tjetri. Do e provoj që paguhen. Kjo histori me lojëra luftërash banale që ndodhin këtu, përfundojnë te dita e pagesës kesh. O kam denoncuar unë privatizimin e “Armos”, të gjitha ngjarjet që kanë pasuar transaksionet e “Armos”, midis të cilave dhe ngjarje tragjike, nuk ka folur njeri në këtë sallë. Jo vetëm kam folur dhe kam kallëzuar në Prokurori. Një prokuror që nuk është më, e mori dhe e fshiu dosjen. Aty e keni “Armon” varr të hapur të një korrupsioni politik, që nisi në atë parti dhe vijon të mbesë varr i hapur në atë parti. Mes meje dhe Taçit na ndan një oqean i madh. Unë me të s’kam folur kurrë. Unë nuk kam shkelur kurrë në televizionin e tij”, tha Braçe.
Debati mes dy deputetëve degradoi në konfrontim fizik në momentin që Salianji e pyeti Braçen nëse është ai zv.kryeministri që përmendet në përgjimet e biznesmenit Rezart Taçi, ndërsa e ofendoi gjithashtu duke e quajtur kone.
Discussion about this post