Deputeti i PS, Erion Braçe, ka reaguar i revoltuar në lidhje me publikimin e pagave të punonjësve në vend. Me anë të një postimi në rrjetet sociale, Braçe thekson se ky është një krim që synon destabilizim dhe se duhet të hetohet. Ai nënvizon se duhet gjykim dhe dënim për cilindo që është i përfshirë.“Pooo është krim! Madje synon destabilizim! Ndaj; duhet të hetohet që çke me të, ligjërisht, plotësisht, në mënyrë gjithëpërfshirëse e deri në fund. Të këtë gjykim e ndëshkim për cilindo të përfshirë-ky duhet të jetë fundi”, tha ai.
Sipas Braçes, kjo listë nuk ka dalë aq kollaj, duke theksuar faktin se në të mungonin emrat e disa punëmarrësve të njohur. Sipas tij, kjo tregon se ata më të fuqishmit nuk preken nga taksimi i pagave, por procesi fiskal prek më të vegjlit. “Poooo me bën përshtypje që mungojnë në listë emrat e disa punëmarrësve të famshëm; ata si mungojnë? Nuk ka mundësi qe Sistemi ne versionin ligjor të jetë pa ta! Ka vetëm një rast: Nuk është sistemi. Por një material i prodhuar kriminalisht që të duket si Sistemi dhe pa të famshmit doemos të lidhur me këtë krim! E kuptoni tani se kujt i shkoi pjesa me e madhe e favorit fiskal mbi rrogat e larta që u votua në nëntor e hyn në fuqi në 1 Janar”, shkruan ai, duke kërkuar që kjo çështje të thellohet më shumë.
Discussion about this post