Ish- zëvendëskryeministri Erion Braçe ka publikuar pak minuta më parë disa foto nga seanca plenare që po mbahet në Kuvend, në qendër të së cilave është lideri i opozitës.
Në pamjet e publikuara në Facebook shihet Lulzim Basha, i ulur në karrigen e tij, ndërsa Braçe ka nxitur për t’i bërë fotot fshehtas, krahas së cilave shkruan se nga 18 minuta fjalim, nuk foli asnjë sekondë për vaksinimin.
“18 minuta urrejtje; Shau, fyeu, gënjeu, mallkoi por një gjë se bëri, një tjetër se dinte: Nuk bëri, asnjë sekondë, asnjë minutë, thirrjen për të bërë vaksinë, për t’u vaksinuar! Nuk e di, nuk e mësoi kurrë se, taksa e qarkullimit është 27 lekë, jo 240 lekë, pra as 24 lekë! Tani i besohet “propozimeve” të një njeriu që nuk di as kaq?”, shkruan deputeti socialist.
Vetë Braçe, replikoi dhe më herët me Bashën, duke i kujtuar këtij të fundit se rend i ditës në Kuvend është vaksinimi. Nga karrigia ku ishte ulur, Braçe tha se sot në rend të ditësh ishte në foks shëndeti i qytetarëve, dhe jo paraja, ndërsa korrigjoi Bashën lidhur me taksën e qarkullimit, që sipas tij nuk është 240 lekë, por 270 lekë.
