Komisioni i Ekonomisë dhe Financave është mbledhur sërish ditën e sotme, ku ministrja Delina Ibrahimaj ka prezantuar paketën fiskale për vitin 2022. Ibrahimaj tha në fjalën e saj se do të ketë një reduktim të TVSH-së për imputet bujqësore.
Ajo shtoi se 1 miliard lekë do të jenë garanci sovrane për fermerët. Ndërsa për importin e qumështit pluhur do të vendoset taksë 100 lekë për, me synim mbështetjen e fermerëve vendas.
Ndër të tjera, ajo u shpreh se qeveria që në fillimin e saj mbështeti parimin kush fiton më shumë paguan më shumë. Nëpërmjet ndryshimit të propozuar rritet paga dysheme e patatueshme, nga 30 mijë lekë në 40 mijë lekë.
Nga kjo gjë përfitojnë 71 mijë e 500 qytetarë në masën 550 mln lekësh, 7800 lekë në vit për qytetar. Ministrja tha se do të kemi edhe reduktimin e normës tatimore me 50 për qind, nga 40 mijë lekë në 50 mijë lekë në muaj.
Pas fjalës së saj, ka pasur debate për paketën fiskale të vitit 2022, ku ish zv.kryeministri Erion Braçe është përplasur me deputetin demokrat Edmond SpahO.
Erion Braçe: Të ulin kokën e të ngrenë dorën dhe ta mbajmë në fuqi atë që kemi. Më shumë para ka atje te birra. Meqë e kam parë, e kam lexuar që është në listën e FMN-së, atëherë të hiqet….dhe dua të di cili është kriteri që keni zbatuar
Edmond Spaho: (nuk kuptohet)
Erion Braçe: A ka mundësi ta mbaroj, mund ta mbaroj, ore pse ndërhyn
Edmond Spaho: (nuk kuptohet)
Erion Braçe: Po pse çfarë duhet të bëj, ta qep, mirë vazhdo ti se e mbylla unë
Edmond Spaho: (nuk kuptohet)
Eduart Shalsi: O zoti Spaho
Edmond Spaho: Po e dimë arsyen
Eduart Shalsi: Po jo pra tani…O zoti Spaho po çfarë zakoni është ky, ç’kuptim ka ndjesa kur ndërpret
Edmond Spaho: Nuk bëhet për këtë arsye
Eduart Shalsi: Kjo vlen për të gjithë, ç’janë këto ndërprerje, nuk i shërbejnë fare askujt, zoti Braçe vijoje
Erion Braçe: S’kam asgjë për të shtuar
Komisioni i Ekonomisë dhe Financave u mbajt edhe ditën e djeshme ku ministrja Delina Ibrahimaj prezantoi projekt Buxhetin për vitin 2022.
