Kritikat e forta që deputeti socialist Erion Braçe shprehu dje në Komisionin e Ekonomisë dhe Financave kanë ngjallur reagime të shumta në media, të cilat, në disa raste, e kanë interpretuar atë si një “tërbim” të Braçes për faktin se nuk do të jetë pjesë e listës së sigurt të Partisë Socialiste për zgjedhjet e 11 Majit. Sipas disa raportimeve, kjo mund të ketë qenë një shenjë e frustrimit dhe shqetësimit nga ana e tij për pozicionin e tij në strukturat e partisë dhe për të ardhmen e tij politike.
Megjithatë, Braçe e ka mohuar në mënyrë kategorike këto aludime në një reagim të tij në rrjetet sociale. Në këtë reagim, ai ka theksuar se nuk ka luftuar kurrë për interesat e tij personale apo për “karrige”, por ka qenë gjithmonë i përkushtuar për të mbrojtur interesat e qytetarëve, veçanërisht të bujqësisë. Braçe ka sqaruar se prioriteti i tij ka qenë gjithmonë të ndihmojë ata që kanë nevojë për mbështetje dhe jo të bëjë llogari për pozitat politike. Ai ka rikujtuar se, në këtë moment të veçantë, ai është i angazhuar për çështjet që prekin drejtpërdrejt bujqësinë dhe zhvillimin e saj, duke e konsideruar atë një sektor kyç për zhvillimin ekonomik të vendit.
“UNE I TERBUAR PER LISTEN?
POOOOO, KA QENE PUNA IME SI SHERBIM NDAJ NJEREZVE, PER VITE ME RRADHE FSHATI, BUJQESIA, POPULLI I FSHATIT E BUJQESISE, PUNA E TYRE, PRODHIMI I TYRE, EKONOMIA E TYRE DHE EKONOMIA E VENDIT KU AJO ESHTE PJESE JETIKE!
KY ESHTE TERBIMI IM DHE ARSYEJA E TIJ
Mbi të gjitha kur me genjejne!”, shkruan Braçe në rrjetet sociale
Discussion about this post