Vendimi i Gjykatës Kushtetuese, për të mos shkarkuar presidentin Ilir Meta ka ngjallur reagime të shumta nga të dyja kampet e politikës. Në hyrje të Kuvendit, deputetët janë pyetur nga gazetarë për vendimin, por çfarë ra në sy ishte reagimi i ashpër i ish-zv.kryeministrit Erion Braçe.
Ndërsa tha se vendimet Gjykatës duhen respektuar, deputeti socialist shtoi se Meta duhet të dalë dhe të kërkojë falje për të gjitha herët që ka hedhur baltë dhe akuza në drejtim të gjyqtarëve.
“Për t’u zbatuar, kur flet Gjykata nuk ka as fitues dhe as të humbur. Edhe njëherë vendimi i Gjykatës është për tu zbatuar deri në fund, unë pres që Ilir Meta të dalë sot dhe të lëpijë të gjithë pështymën që ka hedhur në drejtim të gjyqtarëve, edhe për etikë”, tha Braçe.
Discussion about this post