Bradley Cooper tregon për lidhjen tij me Lady Gaga në “A star is born”

Kur Lady Gaga dhe Bradley Cooper luajtën së bashku në “A star is born”, shumë fansa filluan të aludonin se mes tyre mund të kishte diçka romantike.

Dyshja i shtoi më shumë benzinë zjarrit kur performuan së bashku në skenë kolonën zanore të filmit dhe shiheshin në një mënyrë shumë romantike.

Së fundmi, Bradley Cooper ka adresuar më në fund thashethemet për një romancë mes tyre duke thënë se zgjodhën të interpretonin performancën si një skenë nga filmi i tyre në një përpjekje për të ndihmuar në kontrollin e frikës së tij për të kënduar live.

“Vetëm nga një këndvështrim personal, zvogëlon nivelin e ankthit. Ata bien në dashuri në atë skenë në film. Është ai momenti shpërthyes që u ndodh atyre në një skenë para mijëra njerëzve… Do të kishte qenë kaq e çuditshme nëse të dy do të ishim në stol përballë audiencës.”

Kur filmi doli në treg, Bradley ishte në një lidhje me Irina Shayk, por lajmet për ndarjen e tyre u përhapën në qershor 2019. Sa i përket Gaga-s, ajo dhe i fejuari Christian Carino thuhet se e ndërprenë lidhjen në fillim të vitit 2019, ndërsa ajo gjithashtu konfirmoi ndarjen në qershor 2019.