Ish-nënkryetari i Bashkisë së Durrësit, Arbër Braho, ka reaguar për shkarkimin e tij duke pohuar se ky vendim vjen pas deklaratave që ai ka bërë për ish kreun e Bashkisë Durrës, Vangjush Dako. Ai tha se nuk e priste këtë vendim dhe i dukej absurd pasi vetëm para dy muajsh është vlerësuar me fletë lavdërimi nga kryetarja e Bashkisë.
“Mendoj se është tërësisht i varur nga sulmi i Vangjush Dakos sepse kam marrë një fletë lavdërimi dy muaj më parë nga kryetarja e Bashkisë. Prandaj më duket absurde kjo gjë. Prokuroria dhe organet kompetente duhet ta marrin seriozisht këtë çështjen në situatën e Durrësit. Janë elementë që nuk duhet të anashkalohet. Kështu do të jepet një pasqyrë për publikun çfarë ka ndodhur me arrestimet në bashkinë e Durrësit.Konfirmohet edhe njëherë tjetër me bashkinë Durrësit, nuk është vetëm shpirtërore, por edhe monetare.”
Braho duket se nuk do t’a lërë me kaq shkarkimin e tij, pasi u shpreh se do të ngrejë një padi në lidhje me shkarkimin e tij, sepse siç ai thekson performanca që ka patur në atë institucion nuk mund të jetë penalizuese për të.
“Patjetër që do të ngre një padi lidhur me këtë vendim, sepse jam i detyruar. Me vjen zor që të hedh ne gjyq institucionin ku kam punuar 8 vite, për tu thyer hondër këtyre personave që drejtojnë në Durrës. Nuk është vetëm çështja ime, sepse Durrësi ka shumë njerëz të ndershëm.”
Discussion about this post