Manchester United arriti të fitonte ndaj Tottenham me shifrat 2-0 në “Old Trafford”, por për të “prishur” festën e djajve mendoi Cristiano Ronaldo, i cili u largua pa u mbyllur takimi, pasi mësoi se tekniku Ten Hag nuk do e aktivizonte asnjë minutë.
Megjithatë sipas Laurie Whitwell nga “The Athletic” Ronaldo ka lënë stadiumin dhe nuk ka marrë pjesë në festimet e lojtarëve në dhomat e zhveshjes.
Tifozët e Unitedit i kanë dal në krahë yllit portugez duke cilësuar se legjenda e klubit nuk po respektohet ashtu siç duhet., teksa kanë bërë disa komente në mbështetje të tij.
“Ten Hag me të vërtetë i tha Cristiano Ronaldos të nxehej dhe përfundoi duke e lënë atë në pankinë. Nëse kjo nuk është mungesë respekti, nuk e di më se çfarë është”.
“Të mos respektohet Cristiano Ronaldo dëshmon se besnikëria nuk ekziston më në futboll. Nuk mund të besoj se ai me të vërtetë zgjodhi Unitedin ndaj Cityt”.
“Ten Hag para ndeshjes tha se Ronaldo do të luajë dhe më pas ai vazhdon të mos e inkuadroj asnjë minutë atë duke futur në lojë Elanga përpara tij. Ronaldo absolutisht bëri gjënë e duhur. Ai duhet të ishte larguar edhe më parë”.
Discussion about this post