Situata e Covid-19 po shkon drejt përkeqësimit në shumë vende të Europës dhe e njëjta gjë vlen dhe për Shqipërinë, referuar shifrave zyrtarë.
Sipas mjekut Skënder Brataj, shifrat që raportohen nga Ministria e Shëndetësisë nuk janë reale për situatën në të cilën vendi ynë ndodhet në luftën me pandeminë.Kjo sipas Bratajt sepse qytetarët tanimë refuzojnë të kryejnë testet e covidit.
Përkeqësimi i situatës pandemike në vend, sipas Bratajt është produkt i grumbullimeve dhe mos respektimit të masave.
Mjeku Skënder Brataj argumentoi se nëse do të respektoheshin 50% e masave nuk do të kishim mbërritur në këtë situatë ku të shtruar mbeten mbi 170 vetë dhe vetëm një natë më parë humbën jetën 11 persona.
Sipas ministrisë së Shëndetësisë, raportohet se në 24 orët e fundit janë shënuar 4 viktima si pasojë e humbjes së betejës më Covid-19. Gjithashtu, numri i të infektuarve vijon të jetë në shifra shqetësuese.Në 24 orët e fundit janë kryer 3393 testime, nga të cilat kanë rezultuar pozitivë me virusin Covid-19770 qytetarë. Aktualisht në spitalet COVID po marrin trajtim 182 pacientë, nga të cilët 19 janë në gjendje më të rënduar.
Discussion about this post