Agjencia ndërkombëtare hapësinore NASA ka gjetur një mënyrë mjaft të vecantë për të nderuar ikonën e futbollit Pele, i cili u nda nga jeta dje në mbrëmje ne moshën 82-vjecare. Bëhet fjalë për një foto galaktike, e cila mban ngjyrat e Brazilit, verdhë e blu.
“Ne nderojmë ndarjen nga jeta të legjendarit Pele, i njohur për shumë si mbreti i ‘lojës së bukur’. Ky imazh tregon një galaktikë spirale në yjësinë Skulptor, e paraqitur me ngjyrat e Brazilit” , thuhet në postimin e publikuar në Twitter.
Kush ishte Pele?
I lindur më 23 tetor 1940 në Tres Coracoes, Enjon Arantes Don Nacismento, siç quhej, e kapi topin nga babai i tij, i cili luante për Atlético Mineiro. Në vitin 1956, pas një sërë refuzimesh, ai u pranua nga Santos, duke nisur prej andej karrierën e tij të gjatë.
Pak para se të mbushte 17 vjeç ai u thirr në ekipin kombëtar, duke shënuar në debutimin e tij kundër Argjentinës dhe para se të mbushte moshën madhore ishte në skuadrën e “selesão” për Kupën e Botës në Suedi.
Rekordi i tij – 1281 gola në 1363 ndeshje – nuk është tejkaluar deri më sot, ndërsa do të hyjë në histori edhe si futbollisti që ka fituar tri herë Kupën e Botës (1958, 1962 dhe 1970), herën e parë në fakt, vetëm 17 vjeç.
Discussion about this post